tg-me.com/nooorr_Alhseen/7825
Last Update:
••❥ًً❀(•«﷽»•)❀❥ ••
اللهم صل على محمد وآل محمد 🥀
الليالي الحيدريه
قصيده لليلة جرح الإمام علي عليه السلام كأني بلسان حال مولاتي زينب عليها السلام عندما تأخر والدها بالرجوع الى الدار من المسجد وهي تنتظره خائفةً وجلَه...تقرأ بطور المربوعه وبعدة اطوار
گلبي ارتاب بويه من رحت عني
حسيت الحزن والهم امحاوطني
بقيت ابلهفه اتانيك
وخوف بروحي اعليك
وتفكيري يبويه بيك تعبني
○•┈---★•..✵.•---★┈•ـ○
للمسجد يبويه من رحت ومشيت
احساس افراگ آنه من اطلعت حسيت
نزلت دمعتي وبالهم أنه ظليت
وحسبات البقت تاخذني وتردني
○•┈---★•..✵.•---★┈•ـ○
حسبه البقت تاخذني او توديني
الدربك شابحه بويه بقت عيني
وخوفي يالابو اتروح وتخليني
وأكظي للعمر ابنوحي أو وني
○•┈---★•..✵.•---★┈•ـ○
بويه من رحت من يمي يا حيدر
احس گلبي عليك بهظم يتحسر
هاي الليله جنهه الخاطري تكسر
وجن بيك الدهر يالغالي يفجعني
○•┈---★•..✵.•---★┈•ـ○
من ابطيت بويه لابت الــــــروح
وجن اسمع صداها يالولي اتنوح
يبو زينب خفت من زينب تروح
وخلافك يبويه الوكت يهظمنـي
○•┈---★•..✵.•---★┈•ـ○
اجـوني شايلينك الحسن وحسين
وشفت راسك يحـيدر منجـسم نصين
بهظم نــزلت يبويه دموعهه للعين
وجنك يالولي رايح تفارگنـــــــــي
○•┈---★•..✵.•---★┈•ـ○
خادمة اهل البيت عليهم السلام
أزهار جبار الجياشي
نسألكم الدعاء
ولفاتحه لروح والدي
غير مبري الذمه من يحذف الاسم أو يغيره وينسب الكلام له
من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام
#نشر_قصائد_الشاعرات_فقط
https://www.tg-me.com/us/اتحاد شاعرات الطف/com.nooorr_Alhseen
BY اتحاد شاعرات الطف
Share with your friend now:
tg-me.com/nooorr_Alhseen/7825